चितवन फागुन २१, सबल गौतम – चितवन माडीको बसन्तपुर स्थित माडी माध्यमिक विद्यालय मतदान केन्द्रमा खटिएका एक कर्मचारीले मतदातालाई “घण्टीमा भोट हाल्नुस् है” भन्दै प्रभाव पार्न खोजेपछि बाहिर निकालिएका छन् ।
इलाका प्रशासन कार्यालय माडीमा कार्यालय सहयोगी पदमा कार्यरत बुद्धि बहादुर पौडेलले सिरियल नम्बर बताउने क्रममा मतदातासंग मतदानकेन्द्र भित्रै भोट मागेपछि मतदाताहरूले विरोध जनाएका थिए ।
त्यसपछि मतदाताहरूकै आग्रहमा प्रहरीले ती कर्मचारीलाई मतदान स्थलबाट बाहिर निकालेको हो । घटनापछि आरोपित कर्मचारीलाई इलाका प्रहरी कार्यालयले नियन्त्रणमा लिएर थप अनुसन्धान गरिरहेको जनाएको छ ।
