चितवन , मंसिर १३ – माडी जेसीज बर्ष २०२६ को अध्यक्ष पदमा प्रकाश सुवेदी निर्वाचित भएका छ्न । आज मंसिर १३ गते शनिबार भएको साधारण सभा तथा सातौं शाखा अधिवेशनले सुवेदी लाई अध्यक्ष पदमा निर्वाचित गरेको हो । माडी नगरपालिका वार्ड नं ६ लक्ष्मीनिवास स्थित माडी भ्यु सामुदायिक होमस्टेमा आयोजना गरिएको उक्त शाखा अधिवेशनले कार्यकारी उपाध्यक्षमा प्रशमा पौडेल , प्रबिण गौतम तथा उपाध्यक्षहरुमा कलिका पौडेल , सुशील ढकाल , दुर्गा किरण सापकोटा , अर्जुन सापकोटा तथा निर्देशकहरुमा सफल गौतम , जीवन खनाल ,सन्देश बराल र अनिता थापा निर्वाचित भएका हुन ।
माडी जेसीजको स्थापना कालदेखि नै सक्रियता पूर्वक जेसीज अभियानमा आबद्ध भएका सुवेदी, वर्ष २०२१ मा भवन निर्माण समिति संयोजक, वर्ष २०२२ मा निर्देशक, वर्ष २०२३ मा उपाध्यक्ष, वर्ष २०२४ मा कार्यकारणी उपाध्यक्ष र वर्ष २०२५ मा कोषाध्यक्षको भूमिकामा रहेर काम गरिसकेका छ्न ।
माडी जेसिजको अध्यक्ष निर्वाचित भएपछी सुवेदीले पहिलो कामका रुपमा आफुले माडी जेसिजको भवन निर्माण लाई तिब्रता दिने बताएका छ्न । विभिन्न सामाजिक संघ संस्थामा आबद्द सुवेदी माडी ७ दिवानगरका स्थाही बासिन्दा हुन ।
