चितवन , भदौ ४ – भरतपुर महानगरपालिका वडा नम्बर ७ स्थित मर्स्याङदी टोल बिकास संस्थाले टोलमा रहेका महिलाहरु लाई लक्षित गर्दै तिज बिशेष शुभकामना कार्यक्रम सम्पन्न गरेको छ । टोलमा रहेको मर्स्याङ्दी आमा समुहमा आवद्ध आमा दिदिबहिनीहरु लाई आउदै गरेको तिज लाई अबिस्मरणीय बनाउन अभिभावकत्व प्रदान गर्दै तिज बिशेष शुभकामना कार्यक्रम सम्पन्न गरेको हो ।
आज बुधबार आयोजना गरिएको कार्यक्रमको प्रमुख अतिथी भरतपुर महानगरपालिका वडा नम्बर ७ का वडा अध्यक्ष राजेन्द्रमणी काफ्ले रहुनु भएको थियो ।
कार्यक्रममा मर्स्याङ्दी टोल बिकास संस्थाका पुर्व अध्यक्ष प्रकाश सापकोटा , सल्लाहकार संयोजक केदारनाथ बोहरा ,सामाजिक अगुवाहरु कल्सिराम गुरुङ , रुपा गुरुङ लगायत अथितिहरु रहनु भएको थियो ।
सोहि कार्यक्रममा भरतपुर महानगरपालिका वडा नम्बर ७ स्थित मर्स्याङ्दी टोल बिकास संस्थाका उपाध्यक्ष नवीन रेग्मिले कार्यक्रमका सहभागी लाई स्वागत गर्दै टोलम पछिल्लो समय भएगरेका कामको बारेमा जानकारी गराउनु भएको थियो । सोही कार्यक्रममा टोलमा रहनु भएका आमादिदी बहिनिहरुले आफ्नै भाखामा मौलिक तिज गाउदै मनोरञ्जन गर्नु भएको थियो ।
संस्थाका सचिव पृथिमा ठाडाले संचालन गर्नु भएको कार्यक्रमको अध्यक्षता संस्थाका अध्यक्ष कालिमाया गुरुङले गर्नु भएको थियो । कार्यक्रममा टोल बिकास संस्था र आमा समुहमा आवद्ध रहेका करिव १४० जना महिला आमादिदी बहिनिको सहभागीता रहेको थियो ।
