समझदारी भोजाड सहकारी द्वारा निशुल्क स्वास्थ्य परिक्षण सम्पन्न

चितवन , जेठ ३ – चितवनको भरतपुर ११ स्थित समझदारी भोजाड सहकारी संस्था द्वारा आफ्ना पुरुष शेयर सदस्यको निशुल्क स्वास्थ्य परिक्षण शिविर आज शनिबार सम्पन्न गरेको छ ।
५० वर्ष उमेर नाघेका पुरुष शेयर सदस्यहरुलाई लक्षित गर्दै संस्थाको बार्षिक कार्यक्रम अन्तरगत निशुल्क स्वास्थ्य शिविर परिक्षण कार्यक्रम सम्पन्न गरेको हो ।
संस्थामा आबद्ध पुरुष शेयर सदस्यको पोस्टेट र पिसाब सम्बन्धी समस्या लाई समाधान गर्नका लागी मनकामना अस्पतालको प्राबिधिक सहयोगमा शिबिरको आयोजना गरिएको सहकारी संस्थाका स्वास्थ्य उपसमिति संयोजक रेखा भट्टराईले बताउनु भयो । सोही कार्यक्रममा स्वास्थ्य शिबिरको आबश्यकता र औचित्यका बारेमा सहकारी संस्थाका अध्यक्ष खेमलाल सुवेदीले जानकारी दिनु भएको थियो ।
मनकामना अस्पतालका प्रो. डा. सागर खतिवडाको टिमले गरेको परिक्षणमा पोस्टेट लगायतको समस्याका लागि ७२ जना सहकारी संस्थाका पुरुष शेयर सदस्यले स्वास्थ्य परिक्षण गरेका सहकारीका ब्यबस्थापक अर्जुन लामिछानेले जानकारी दिनु भयो ।
सहकारीले बिगत देखि नै सामाजिक उत्तरदायित्व अन्तरगत सामाजिक कार्यका अलावा आफ्ना शेयर सदस्यको निशुल्क स्वास्थ्य परिक्षण लगायतको काम गर्दै आएको छ ।