चितवन,चैत १२ – नेपाल विद्युत प्राधिकरण भरतपुर वितरण केन्द्रका प्रमुखको कार्यकक्ष तोडफोड गरिनुका साथै केन्द्र प्रमुख राम श्रेष्ठ माथी आक्रमण भएको छ ।
केन्द्रको डिजिटल डिस्प्ले बोर्डमा प्रधानमन्त्री केपी शर्मा ओलीको विषयमा आपत्तिजनक शब्द राखिएको भन्दै अज्ञात समूहले केन्द्र प्रमुख श्रेष्ठको कार्यकक्षमा आज बिहान कार्यकक्ष भित्रै आक्रमण गरेको हो । आक्रमणबाट कम्प्युटर, टेबल लगायतका सामान फुटेका छन् ।
१३-१४ जनाको समूहले प्रमुख श्रेष्ठमाथी आक्रमण गरेको बिधुतका कर्मचारीहरुले बताएका छन् । कर्मचारीहरुले संयुक्त बिज्ञप्ती जारी गरि घटनाको निन्दा गरेका छन् । घटनाको विषयमा अहिले जिल्ला प्रशासन कार्यालयमा छलफल भै रहेको जनाइएको छ ।
