चितवन , मंसिर ४ – माडी जेसीज वर्ष २०२५ का अध्यक्ष, युवा नेतृत्वकर्ता जेसी ईश्वर रानाभाट प्रतिष्ठित JCI LOM Star President (2nd Half) – Asia & the Pacific बाट सम्मानित भएका छन्। यो महत्वपूर्ण घोषणा JCI World Congress 2025, Tunisia मा सम्पन्न समारोहका बीच गरिएको हो।
अन्तर्राष्ट्रिय तहमा भएको प्रतिस्पर्धामा उत्कृष्ट नेतृत्व क्षमता, संगठनप्रतिको समर्पण र प्रभावकारी कार्यसम्पादनका आधारमा रानाभाट चयन हुनुभएको हो।
उनको यो उपलब्धिले माडी जेसीज लगायत नेपाल र एशिया–प्यासिफिक क्षेत्रमा रहेका सम्पूर्ण जेसी सदस्यहरूलाई गौरवान्वित बनाएको बताएका छन ।
सम्मान नतिजापछि खुसी व्यक्त गर्दै अध्यक्ष जेसी रानाभाटले यस उपलब्धि आफू मात्रको नभई सम्पूर्ण माडी जेसीज परिवारको सामूहिक मेहनत, साथ र विश्वासको परिणाम भएको बताए। उनले एशिया–प्यासिफिक क्षेत्रमा आफ्नो LOM को पहिचान र प्रभावशाली उपस्थिति अझ मजबुत बनाउन प्रतिबद्ध रहेको उल्लेख गरे। साथै उनले आगामी दिनमा युवा नेतृत्व विकास, प्रभावकारी परियोजना सञ्चालन र अन्तर्राष्ट्रिय सम्बन्ध विस्तारलाई प्राथमिकतामा राख्दै काम गर्ने जनाए।
माडी जेसीज परिवारले रानाभाटलाई हार्दिक बधाई तथा आगामी कार्यकालका लागि सफलताको शुभकामना व्यक्त गर्दै उनको नेतृत्वले संगठनको प्रतिष्ठा, सदस्य विकास तथा अन्तर्राष्ट्रिय सञ्जाल विस्तारमा महत्त्वपूर्ण योगदान पुर्याउने विश्वास व्यक्त गरेको छ।
रानाभाटको अन्तर्राष्ट्रिय सफलता दोस्रो पटक माडी जेसीजको गर्व तथा प्रेरणादायी उपलब्धिका रूपमा रहेको छ।
Trending
- माडी जेसिज बर्ष २०२६ को अध्यक्षमा प्रकाश सुवेदी निर्वाचित
- चितवनमा अन्तरमावि नाटा रनिङशिल्ड हाजिरीजवाफ प्रतियोगिता सम्पन्न
- माडी जेसीजको अध्यक्षमा जेसी प्रकाश सुवेदीको उम्मेदवारी घोषणा
- अयोध्याधाममा विवाह पञ्चमीको भव्य उत्सव, १४ समूहबीच रत्यौली प्रतियोगिता सम्पन्न
- चितवनको व्यापारिक नेतृत्व सिरीष पन्ततिर उन्मुख : निर्माण सामग्री व्यवसायी संघको सर्वसम्मत सिफारिस
- माडी जेसिजका अध्यक्ष ईश्वर रानाभाट दोस्रो पटक अन्तराष्ट्रिय अवार्ड बाट सम्मानित
- मंसिर १० गतेसम्म सबै दल आयोगमा दर्ता गर्नू, निर्वाचन बहिष्कार गरेर अराजकता नरोज्नू: प्रधानमन्त्री कार्की
- ‘मोन्था’ चक्रवातको प्रभाव : कोशी र बागमतीका यी नदी ‘उल्लेखीय बढ्ने’, यी जिल्लामा बाढीको धेरै प्रभाव

