भरतपुर, ३ भदौ ।
नारायणगढको कमलनगरमा रहेको चितवन फ्लेक्स (चितवन डिजिटल फोटो एन्ड फ्लेक्स प्रिन्ट) १८ औँ वर्षमा प्रवेश गरेको छ । २०६५ साल जेठ ९ गते २ वटा मेसिन राखेर शुभारम्भ भएको चितवन फ्लेक्समा अहिले अत्याधुनिक ४ वटा मेसिनसहित १५ जना दक्ष कर्मचारी छन् ।
चीन र जापानबाट १५ लाख रुपैयाँ बराबरका मेसिन ल्याएर सञ्चालक गुणराज दाहालले यो व्यवसाय सुरु गर्नुभएको हो । चितवनमा पहिलोपटक १० फुटे र ६ फुटे मेसिनबाट चितवन फ्लेक्सले सेवा दिएको हो ।
मेला महोत्सव, संघसंस्था, बैंक तथा विभिन्न सभा समारोहका आकर्षक व्यानर, स्वागतद्वार, लाइट बोर्ड तथा रिफ्लेक्टिभ बोर्डको सेवा चितवन फ्लेक्सले सुपथ मुल्यमा दिने गरेको सञ्चालक दाहाल बताउनुहुन्छ । हामीले १८ औँ वार्षिकोत्सवका अवसरमा यहाँका सबै सेवामा विशेष सहुलियत दिएका छौँ´, दाहालले भन्नुभयो -व्यानर प्रीन्ट, फोटो प्रीन्ट, स्टिकर प्रीन्ट, रिफ्लेक्टिभ प्रीन्ट, लाइट बोर्ड, होडिङ बोर्ड, वान-भिजन, फ्रेम फिटिङ, टुडी – थ्रीडी बोर्ड, एलइडी बोर्डलगायतका सुबिधा चितवन फ्लेक्समा उपलब्ध छन् ।´
दाहालले यसअघि चितवनको कालिका नगरपालिकास्थित खोलेसिमल बजारमा दियालो फोटो स्टुडियो सञ्चालन गर्नुहुन्थ्यो । केही वर्ष खोलेसिमलमै व्यवसाय गरेर उहाँ बिदेश पनि जानुभयो । संयुक्त अरब इमिरेट्स र सिंगापुरमा ६ वर्ष जति बिताएर उहाँ स्वदेश फर्किनुभएको हो ।
फोटोग्राफीमा रुचि भएका उहाँले यही व्यवसायलाई आधुनिक तरिकाले सुरु गर्ने सोच बनाएर चितवन फ्लेक्स सुरु गर्नुभएको हो । उहाँका अनुसार चितवन फ्लेक्स सुरु गर्दा जिल्लामा भर्खरै फ्लेक्सको लहर सुरु भएको थियो । साथीभाइको सरसहयोग र जनसम्पर्कका कारण चितवन फ्लेक्सले सुरुवाती अवस्थामा नै राम्रो सफलता प्राप्त गरेको सञ्चालक दाहालको अनुभव छ । ग्राहक सेवालाई विशेष ख्याल राख्ने दाहालले गुणस्तरीय र सुपथ मूल्यको सेवालाई सधैं अनुसरण गरिएकोले सबैले चितवन फ्लेक्सलाई विश्वास गर्नुभएको बताउनुहुन्छ ।
पारिवारिक वातावरणमा ग्राहकसँग व्यवहार गरिने यहाँ परिवार कै सदस्य पनि निरन्तर काममा खटिनुहुन्छ ।
सञ्चालक दाहाल व्यवसाय सँगसँगै सामाजिक सेवामा पनि सक्रिय हुनुहुन्छ । `कमाएको केही रकम दान गर्नुपर्छ´ भन्ने मान्यता राख्ने उहाँ दिनदु:खीको सेवा गर्न रुचाउनु हुन्छ । संस्था अथवा परिवारका सदस्यको विशेष अवसरमा खाना-नाना सहयोग, विद्यार्थीलाई शैक्षिक सामग्री सहयोग, उपचार खर्च सहयोग जस्ता परोपकारी काममा पनि दाहालले आफूलाई सहभागी बनाउँदै आउनुभएको छ ।
दाहाल संस्थागत रूपमा विभिन्न संघसंस्थामा आवद्ध हुनुहुन्छ । उहाँ सामाजिकरूपमा श्रीरामजानकी बालिका आश्रम चितवनका जिल्ला संयोजक साथै आमाको घर, इस्कोन नेपाल र मानव सेवा आश्रमका आजीवन सदस्य हुनुहुन्छ । त्यसैगरी व्यावसायिक रूपमा चितवन मार्केट, आरम्भ कलेज, मौलाकालिका अस्पताल, दर्शन हस्पिटालिटी, इनोभा हस्पिटल, वज्रमादी हाइड्रोपावर, सिएमटी एडभरटाइजिङ, स्मार्ट ग्रुपलगायतका कम्पनीहरुमा संलग्नता रहेको छ ।
