२०८१ कार्तिक २४, शनिवार
दुर्लव पाेखरेल
चितवन। राष्ट्रिय जनसास्कृतिक महासँघ चितवनकाे अध्यक्षमा कृष्ण खनाल निर्वाचित भएका छन् ।
नेकपा एमालेका पाेलिटव्यूराे सदस्य तथा चितवन इन्चार्ज देवी ज्ञावलीकाे प्रमुख आतिथ्य तथा राष्ट्रिय जनसास्कृतिक महासँघका केन्द्रीय सदस्य तथा चितवन इन्चार्ज पुष्प आचार्यकाे विशिष्ट आतिथ्यतामा शनिबार सम्मपन्न सात अधिवेशनले कृष्ण खनालकाे अध्यक्षतामा १३ सदस्य कार्यसमिति सर्वसम्मत चयन भएकाे निवर्तमान हुनुभएका महासँघका जिल्ला अध्यक्ष केदार दवाडीले जानकारी दिए ।
अधिवेशनमा विशिष्ट अतिथि समेत रहनुभएका नेकपा एमाले चितवनका अध्यक्ष कमल पाठकले बदलिँदो अवस्थामा देशका कलाकर्मीहरुकाे समेत भुमिका बदलिएका कारण प्रतिस्पर्धामा अव्वल जनशक्ति निर्माण गर्दै पार्टी र जनताकाे पक्षमा जनवादी कला र साहित्यका माध्यमबाट सकृय रहन आव्हान गर्दै शुभकामना व्यक्त गरेका थिए ।
पाेलिटव्यूराे सदस्य देवी ज्ञावलीले महासँघ जनवादी कला र साहित्यकाे सँरक्षणकाे अभियान हुनुका साथै कला र साहित्यकार उत्पादन र सँरक्षणकाे कारखान समेत भएकाेले जिल्लाभर छरिएर रहेका जनवादी कलाकर्मी , साहित्य अनुरागीहरुलाई पार्टी र जनताकाे हितमा उपयाेग गर्न र व्यक्तिकाे व्यक्तित्व विकास गर्न याेगदानमा लाग्नु पर्नेमा जाेड दिदै नव निर्वाचित कार्यसमितिलाई सफल कार्यकालकाे शुभकामना व्यक्त गरेका थिए ।
कार्यक्रममा नेकपा एमालेका केन्द्रीय सदस्य यमलाल परियार, एमाले प्रदेश कमिटी सदस्य तथा माेर्चा इन्चार्ज अस्मिन घिमिरे, पार्टी जिल्ला सचिव प्रकाश ढुङ्गाना, जनसाहित्य सँघका केन्द्रीय सदस्यहरु किसान प्रेमी, रामलाल कुमाल सहितका नेताहरुकाे उपस्थिति रहेकाे थियाे ।
अधिवेशनले लक्ष्मीलालघिमिरेलाई उपाध्यक्षमा निर्वाचित गरेकाे छ भने सचिवमा कृष्ण गुरुङ, काेषाध्यक्षमा गायत्री श्रेष्ठ,सह- सचिव सुलव पाेखरेल निर्वाचित भएका छन् । यसैगरि सदस्यहरुमा सुरेश चाैधरी,राेहिणी त्रिपाठी,लेखनाथ पाेख्रेल,युवराज लामा,डाेल बहादुर गुरुङ निर्वाचित भएकाे निर्वाचित अध्यक्ष कृष्ण खनालले जानकारी दिए ।
अधिवेशनले राष्ट्रिय जननाट्यकर्मी सँघ,राष्ट्रिय जनपक्षिय चलचित्रकर्मी सँघ,राष्ट्रिय जनसँगित कलाकार सँघ,राष्ट्रिय सामाजिक सास्कृतिक अध्ययन केन्द्र ,राष्टिय जनसाहित्य सँघ र राष्ट्रिय भाषा तथा लाेक साहित्य सँघकाे समेत अधिवेशनले नयाँ कमिटी निर्माण गरेकाे जनाएको छ ।
नव गठित कार्य समितिकाे शपथग्रहण तथा पदभार भने आगामी कार्तिक ३० गते गरिने भएकाे छ ।
