चितवन , असोज १८ – सिटिजन लाइफ इन्स्योरेन्स कम्पनी शाखा कार्यालय नारायणगढले घातक रोगबापतको बीमा दाबी भुक्तानी गरेको छ।
भरतपुर स्थित चौबिसकोठीमा रहेको दया हेल्थ कियर सेन्टरका संचालक बिमित डाक्टर शुभकान्त गौतम लाई घातक रोगबापत ३० लाख रुपैयाँ बराबरको चेक हस्तान्तरण गरेको हो।
उहाँले दुई बर्ष अगाडी सिटिजन लाइफ इन्स्योरेन्समा १ करोड बिमाङक बराबरको बिमा गराउनु भएकोमा ३० लाख रुपैयाँको घातक रोगको रक्षावरण सुविधा थियो। उहाँको केही समय अगाडी हृदयघात भएका कारण कम्पनीले आज उक्त रकम डाक्टर गौतम लाई हस्तान्तरण गरेको हो।
रकम हस्तान्तरण सिटिजन लाइफ इन्स्योरेन्सका प्रमुख ब्यापार अधिकृत शिव कुमार कार्की , नारायणगढ शाखाका प्रमुख गोकर्ण बहादुर कार्की , सिनियर एजेन्सी म्यानेजर प्रेम बहादुर अछामी , कम्पनीका एजेन्सी म्यानेजर , लिडरहरुको सहभागिता रहेको थियो ।
चेक हस्तान्तरण कार्यक्रममा डाक्टर गौतमले आफूले बिमा गर्ने समयमा यति धेरै सुबिधाहरु पाउने बारेमा जानकारी नभएको र हाल आएर बिमाको महत्त्व बुझेको बताउदै हरेक मानिस लाई जीवन बिमा अति आबश्यक भएको बताउनु भयो । उहाँले आफू बिरामी भएको अबस्थामा सिटिजन लाइफ दुखको सारथि बनेको बताउदै आज आएर जीवन बीमाको महत्व र फाइदा बुझेँकोले अब अरुलाई पनि बीमा गर्न मेरो सुझाव रहने बताउनु भयो । ’
कार्यक्रममा प्रमुख ब्यापार अधिकृत कार्कीले सिटिजन लाइफ इन्स्योरेन्सले कम्पनीको अतिरिक्त सुविधामार्फत एउटामात्र रोगको नभई २० घातक रोगका लागि बिना बिल नै ५० लाख रुपैयाँसम्मको उपचार खर्च कम्पनीले दिने गरेको बताउनु भयो ।
