२५, वैशाख, चितवन
आगामी जून २ तारिखदेखि अमेरिका र वेष्ट इण्डिजमा सुरु हुने विश्वकप टि २० क्रिकेट प्रतियोगितामा नेपाली टोलीले लगाउने नयाँ जर्सी नारायणगढ बजारमा आइपुगेको छ । नेपाली क्रिकेट टिमले १० बर्ष पछि पहिलोपटक विश्वकप क्रिकेट खेल्दैछ ।
जर्सी उत्पादक कम्पनी केल्मीको नेपालस्थित अाधिकारिक विक्रेता कामारू ट्रेडिङ्ग प्रा.लि दरवारमार्ग काठमाडौबाट चितवनको एक मात्र आधिकारिक विक्रेता ‘लि स्मार्ट स्टाइलिस’ले नयाँ जर्सी ल्याएको हो । विग बजार नारायणगढ भित्र रहेको लि स्मार्ट स्टाइलिसले विभिन्न साइजका (स्मलदेखि डवल एक्सलसम्म) ओरिजिनल जर्सीहरु ल्याएको प्रोपाइटर सन्तोष पण्डितले जानकारी दिए । यसअघि नै प्रिअर्डर लिएकाहरुलाई सप्लाई गर्न सुरु गरिएको प्रोपाइटर पण्डितले जानकारी दिए । स्मलदेखि डबल एक्सलसम्म उपलब्ध रहेका जर्सीहरुको मूल्य ३६ सय रुपैयाँ राखिएको छ । प्रिअर्डर लिएका क्रिकेटप्रेमीहरुलाई भने जर्सी २५ सय मै उपलब्ध गराइने छ । भोल्यूममा लैजानेलाई विषेश छुटको समेत व्यवस्था गरिएको पण्डितले जानकारी दिए । जर्सीमा सूर्य किरण र गोल्डेन कलर रहेको छ, जसको प्रतिक वारियरका साथै उदाउँदो रहेको जानकारी पण्डितले दिए । जर्सीमा गैंडाको र सगरमाथाको चित्रका साथै दुई काँधको झण्डा राष्ट्रको समावेश छ । साहसी टीमको झल्को दिन पहेँलो वा सुनौलो रङ्गको प्रयोग गरिएको हो।
लि स्मार्ट स्टाइलिस्मा नेपाली क्रिकेट टिमले लगाउने क्याप पनि उपलब्ध रहेको छ । क्यान लेखिएको क्यापको मूल्य १५ सय ६० पर्ने पण्डितले जानकारी दिए । नेपाली क्रिकेट टिमको मनोवललाई बढाउन तथा हौसला दिनका लागि नेपाली जर्सी लगाउने र देशभर क्रिकेटको नयाँ माहोल खडा गर्न यसले महत्वपूर्ण भूमिका खेल्ने सञ्चालक पण्डितले जानकारी दिए ।
अहिलेका क्यानका सचिव पारस खड्काको नेतृत्वमा नेपालले सन् २०१४ मा पहिलो पटक टवान्टी–२० विश्वकप खेलेको थियो । त्यस यता नेपाल विश्वकपमा पुग्न सकेको थिएन । यसपटक १० बर्षपछि नेपाल विश्वकप क्रिकेटमा पुग्नु गौरवको क्षण हो ।
कुल २० देशले भाग लिने विश्वकपमा नेपाल समूह ‘डी’ मा रहेको छ । नेपालसँगै यस समूहमा दक्षिण अफ्रिका, श्रीलंका, बंगलादेश र नेदरल्यान्ड्स रहेका छन् ।
नेपालले विश्वकपको पहिलो खेल जून ४ मा नेदरल्यान्ड्स, जून ११ मा श्रीलंका, जून १४ मा दक्षिण अफ्रिका र जून १६ मा बंगलादेशसँग खेल्नेछ।
Trending
- सहकारी ठगी प्रकरण: रवि बोल्दा अवरोध नगर्ने कांग्रेससहित विपक्षी ५ दलको निर्णय
- स्टार्टअपलाई १० वर्ष आयकर छुट, सहज ब्याजदरको कर्जा सुविधा
- प्रतिनिधिसभा बैठक बस्दै, यस्ता छन् सम्भावित कार्यसूची
- बुटवलमा दुर्घटना: ‘मर्निङ वाक’मा निस्किएका तीन जनालाई एम्बुलेन्सले ठक्कर दियो
- बालुवाटारमा सहमति : रविको नाम किटान नगर्ने, छानबिन समितिको नेतृत्व एमालेलाई
- आइतबार देशका यी स्थानमा हुने छ वर्षा
- बोल्ड एण्ड ब्युटी मलिना (फोटो फिचर)
- जोखिममा परेका श्रमिकलाई विदेशबाट उद्धार गर्न छुट्टै कोष