काठमाडौं। अधिकांश वाणिज्य बैंकहरुले सेयरधनीलाई लाभांश वितरण गर्न मिल्ने गरी नाफा कमाएका छन्। आर्थिक वर्ष २०८०/८१ मा वाणिज्य बैंकहरुले सेयरधनीलाई औषतमा ४.२१ प्रतिशतसम्म लाभांश दिनेसक्ने देखिएको हो।
बैंकहरुद्वारा सार्वजनिक गत आर्थिक वर्षको अपरिस्कृत वित्तीय विवरणअनुसार ४ वटा वाणिज्य बैंकको लाभांश क्षमताभने नकारात्मक रहेको छ। गत आवको नाफाबाट कुमारी हिमालयन एनआईसी एसिया र नेपाल इन्भेष्टमेन्ट मेगा बैंकले लाभांश वितरण गर्न नसक्ने भएका हुन्। यी बैंकहरुको वितरण योग्य नाफा नकरात्मक हुँदा लाभांश क्षमता समेत १०.०५ प्रतिशतदेखि २६.२६ प्रतिशतले नकारात्मक छ।
गत आवमा आर्जित मुनाफाबाट १६ वटा वाणिज्य बैंकले १.३० प्रतिशतदेखि २९.८६ प्रतिशतसम्म लाभांश वितरण क्षमता राखेका छन्। जसमा सबैभन्दा बढी एभरेष्ट बैंक र सबैभन्दा कम एनएमबि बैंकको रहेको छ। उक्त अवधिमा ६ वटा बैंकको लाभांश क्षमता १० प्रतिशतमाथि ३० प्रतिशतसम्म र १० वटाको लाभांश क्षमता ७ प्रतिशत कम रहेको छ।
गत आवको सेयरधनीलाई नाफाबाट १० प्रतिशतभन्दा बढी लाभांश दिन सक्नेमा सिद्धार्थ बैंक १०.७६ प्रतिशत, नबिल बैंक १४.२६ प्रतिशत, कृषि विकास बैंक १७.३७ प्रतिशत, स्ट्याण्डर्ड चार्टर्ड बैंकको २६.५ प्रतिशत र एभरेष्ट बैंकको २९.८६ प्रतिशत रहेको छ।
