काठमाडौं । प्रभु बैंक लिमिटेडले कालीकोटको मान्मामा ३०५औं शाखा सञ्चालनमा ल्याएको छ। खाडाचक्र नगरपालिका-१ मा बैंकले सेवा प्रारम्भ हुनेगरी शाखा सञ्चालनमा ल्याएको हो।
प्रभु बैंकले व्यावसायिक सञ्जाल विस्तार गर्दै विभिन्न ठाउँमा शाखा कार्यालय सञ्चालन गरेर सर्वसाधारणको घर आँगनसम्म सरल र सहज बैंकिङ सेवा प्रदान गर्दै आएको छ।
मान्मा शाखामार्फत स्थानीय, सर्वसाधारण, व्यवसायिक फर्म, कम्पनी तथा संघ संस्थाले गुणस्तरीय सेवा उपभोग गर्ने बैंकको विश्वास छ।
‘बैंक अफ द इयर २०२३’ उपाधिबाट सम्मानित बैंकले देशभर ३०५ शाखा कार्यालय, २८६ एटीएम र ७० एक्सटेन्सन काउन्टरमार्फत सेवा प्रदान गर्दै आएको छ।
