कावासोती नगरको आ.व. ०८१/०८२ को लागि बालबालिकाहरुको सवाल र योजना पहिचानको लागि बाल भेला सप्पन्न गरिएको छ ।
कावासोती नगर बाल संजालका अध्यक्ष मनिष न्यौपानेको अध्यक्षता र नगर प्रमुख बिष्णु प्रसाद भुसालको प्रमुख आतिथ्यता नगरका सवै वडाबाट प्रतिनिधित्व हुने गरि सप्पन्न गरिएको महिला बालबालिका शाखाको रिता रिजालले बताउनुभयो ।
स्थानीय तहको योजना तर्जुमा प्रक्रिया चलिरहदा बालभेला पनि महत्त्वपूर्ण अङ्ग रहेकोले प्रत्येक बर्ष झै यो बर्ष पनि बालबालिकाहरुको माग र योजना संकलनको लागि आयोजना गरिएको नगर प्रमुख बिष्णु प्रसाद भुसालले बताउनुभयो ।
नगर प्रमुख भुसालले आफु बाल्यकालमा हुँदाको शिक्षा र अन्य अवस्थाहरु बताउदै अहिले निकै नै सहज रहेकोले सवैले अनिवार्य र अनुशासित रूपमा अध्ययनको लागि आग्रह पनि गर्नुभयो ।
उहाँले मन्तव्यको क्रममा पहिला आफू पनि शिक्षक रहेकोले प्राथमिकता बालबालिकाको शिक्षा र उनिहरुको चौतर्फी बिकास नै रहेकोले अहिलेपनि निरन्तर लागिरहेको र निरन्तरता दिने बताउनुभयो ।
स्थानीय तहको सिमित साधन र स्रोतले गर्दा आशातित काम गर्न नसकिएको भयता पनि नगरलाई बालमैत्री, किशोरी मैत्री गराउन प्रतिबद्धता जाहेर गर्नुभएको थियो ।
सो कार्यक्रममा बाल भेलाको सन्चालन निर्देशिका अनुसार फरक फरक समुहमा बालबालिकाको समूह बिभाजन गरि बालबालिकाहरुको समस्याहरु र सवालहरु र यसको समाधानको उपायहरु, बालबालिकालाई मन पर्ने र मन नपर्ने, बालबालिकाको दृस्ठिकोणले पालिका कस्तो देख्न चाहनुहुन्छ भन्ने बारेमा सहजीकरण गरियको सहजकर्ता दिपक शर्माले बताउनुभयो ।
बाल भेलामा बालबालिकाहरुले नगर र आफ्नो क्षेत्रमा रहेका ब्याप्त समस्याहरुको बारेमा बताएका थिय । जसमा समाजमा ब्याप्त सानो उमेरमा गरिने विवाह र बाल विवाह, बाल श्रम, विभेद, लागू औषध र चुरोट सुर्तीको खुल्ला रूपमा बिक्रिबितरण गरिने, बालबालिकालाई निर्णय प्रक्रियामा अर्थपुर्ण सहभागिता नगराउने, हिंसा, शोषण, खेलकुदमा बालिकाको सहभागिता बढाउने क्रियाकलाप सन्चालन नहुने, गरिव र कमजोरले शिक्षा हासिल गर्न समस्या रहेको भनी सोही अनुसारको योजना र नितिहरुको निर्माणको लागि सुझावहरु दिनुभएकोछ ।
बाल भेलामा प्रत्येक वडास्तरिय बाल क्लव र नगरस्तरीय बाल क्लव र अन्य बालबालिकाहरु गरि ६० जनाको सहभागिता रहेको थियो ।
