चितवन , जेठ १२ – नेकपा एमालेका उपाध्यक्ष विष्णु पौडेलले अहिलेको गठबन्धन आउदो निर्वाचन सम्मै जाने बताएका छ्न । नेकपा एमालेको ११ औं जिल्ला अधिवेशनलाई सम्बोधन गर्दै उपाध्यक्ष पौडेलले वर्तमान समीकरण तोड्न अनेक प्रयास भइरहेको भएपनि यहि सरकारले आगामी निर्वाचन गराउने बताएका हुन ।
उपाध्यक्ष पौडेलले काङ्ग्रेस सत्ता बाहिर बस्नु परेकोमा छटपटाहाट भएकोले अनेक बखेडा झिक्दै आएको र यस्तै अबस्था कायम रहे काङ्ग्रेस पतनको बाटोमा जाने बताए ।
अधिवेशनको शुभकामना दिदै उपाध्यक्ष पौडेलले चितवन पार्टी लाई कस्तो बनाउने भन्ने भुमिका यहाकै पार्टी पङ्ती र अगुवाहरुको हातमा रहेकोले सक्षम नेतृत्व चयन गर्नु पर्ने बताए ।
